Yakutça – Якут чĕлхи – ياقۇت تىلى – Саха тыла

.

Айыы Таҥараттан ураты ыарахаттартан Быыһааччы баар дуо? Эт: Айыы Таҥара айхалланнын! Кини Таҥара! Бары Кини кулуттара, бары Кини ыйаахтарынан сылдьаллар!

.

О, Айыы Таҥарам, миигин салай, миигин харыстаа, миигин сырдатар уокка уонна күлүмнүүр сулуска кубулут. Эн Кыахтааххын уонна Күүстээххин.

Эт: Айыы Таҥара тугу барытын түстээн биэрэр, Айыы Таҥараттан ураты халлааннарга да, бу да сиргэ туох да түстээн биэрбэт. Ис дьиҥнээхтик, Кини Бэйэтэ Бэйэтиттэн Билэр, Күүс Биэрэр, Барылырыттан Кыахтаах.

Эн ааты – мин үтүөрүүм, о Айыы Таҥарам, Эйигин ахтан ааттыырым ол мин эмим-томум. Эйиэхэ чугас сылдьар – мит эрэлим, оттон Эйиэхэ тапталым – мин аргыһым. Миэхэ Эн аһыналыҥ – утуэруу уонна бу аан дойдуга итиэннэ кэнэҕэски дойдуга көмө. Эн, ис дьиҥнээхтик, Барыларыттан Өлгөмҥүн, Барытын Билэҕин, Барыларыттан Өркөн Өйдөөххүн.

О, мин Таҥарам! О, мин Таҥарам! Бэйэҥ кулуттарыҥ сүрэхтэрин бииргэ холбоо уонна кинилэргэ Бэйэҥ улуу сыалгын арыйан биэр. Кинилэр Эн ыйаахтарынан сырыттыннар уонна Эн куолугун тутустуннан. Көмөлөс кинилэргэ, о мин Таҥарам, кинилэр туохха кыһаналларыгар уонна кинилэр Эн тускар үлэлииллэригэр күүстэ-уохта биэр. О, Айыы Таҥара! Кинилэри соҕотох хаалларыма, ол оннугар кинилэр хардыыларын Бэйэҥ тапталгынан үөрт-көтүт. Ис дьиҥнээхтих, Эн кинилэргэ Көмөлөһөөччүгүн уонна кинилэр Баһылыктараҕын.